Deva Movie Climax : The Reason Behind Flop?

Deva bohot hi entertaining movie thi, but iske climax ne hii iski band baja di aur box office par flop ka tag dilwa diya.

Aaj main iss post mein baat karunga ki kya climax ho sakta tha, jisse yeh movie shayad ek hit ka tag aaraam se leleti aur kya pata apne budget se double ka collection kar leti.

Deva Movie Alternate Climax:

ACP Dev Ambre ko lagta hai ki usne Rohan Desilva ko maar kar apni sachchai chhupa li. Uske dimaag mein guilt hai, lekin woh khud ko samjhata hai ki yeh survival ke liye zaroori tha.

Lekin tabhi, Rebeca ek video leak karti hai jo sab kuch badal deti hai. Video me dikhta hai:

• Rohan ko pata tha ki Dev double game khel raha hai.
• Rohan Dev ko expose nahi, balki ek aur moka dena chahta tha.
• Woh ek secret plan bana raha tha taaki Dev corrupt system se bahar aa sake.

Ye dekhkar Dev ka pura mindset hil jata hai. Usne apne sabse acche dost ko unnecessarily maar diya!

Lekin yeh sirf shuruaat thi…

The Real Mastermind: Dev Khud Shikaar Ban Jaata Hai!

Jaise hi Dev apne guilt ke saath jeene ki koshish karta hai, usse ek anonymous message aata hai:

👉 “Tu soch raha hai ki sab kuch khatam ho gaya? Abhi khel shuru hua hai, ACP Deva.”

Yeh anonymous sender iss message ke saath ek video bhejta hai hai jisme Rohan dikhta hai:

• Rohan ek aur bade case pe kaam kar raha tha, jisme sirf Dev nahi, poori Mumbai Police ke andar ek corrupt gang exposed hone wala tha.
• Dev ko lagta tha ki woh mastermind hai, lekin asal mein usse bhi koi aur control kar raha tha!

Final Showdown: Dev Vs The System

Ab Dev ke paas do raaste hain:

1. Woh surrender kare aur apne crimes accept kare.
2. Woh puri corrupt system ka samna kare, aur us mastermind ka game khatam kare.

Dev apne guilt aur gusse ka use karta hai aur final showdown shuru hota hai.

• Us mastermind ka base ek underground safe house hota hai, jisme poori Mumbai Police aur politicians involved hote hain.
• Dev ek akela insaan hoke bhi apne pure skillset ka use karta hai aur ek-ek corrupt cops ko expose karta hai.
• Ek ultimate gunfight hoti hai, jisme Dev apna pura redemption prove karta hai.

Last Scene:

• Dev mastermind ka kaam tamaam kar deta hai, lekin khud bhi buri tarah injured hota hai and ek smile ke saath uski death ho jaati hai.
• Media aur police force aati hai, aur Dev ko national hero declare kiya jata hai.

Ek aur climax ho sakta tha, jo mujhe lagta hai aur interesting hota.

1. Deva jaise hi button dabane wala hota hai Rohan ko shoot karne ke liye, tabhi uske button dabane se pehle hi koi aur shoot kar deta hai Rohan ko.

Ab iske baad Rohan video dekhta, jo Rebecca usko dikhati, jahan deva ko pata chalta ki Rohan usko expose nahin, award dena chahta tha. Ab Deva video dekhkar guilt mein aa jata and yeh sab Diya se discuss karta.

Diya use samjhati ki ab ek hi raasta hai iss guilt se bahar aane ka and Rohan kii aatama ko shaanti dilaane ka ki, jisne Rohan ko maara hai, use dhundo, and khatam kar do.

Ab Deva proper police uniform pehenna shuru kar deta, alcohol and smoking chorr deta and mastermind ko dhundne ke liye mission par nikal jaata.

Aisa agar movie mein dikhate toh climax audience ko appeal karta aur movie pakka hit hoti.

Final Verdict: 

Agar aisa climax hota, toh audience Deva ko bhool nahi paati! 🔥🔥