CRAZXY (2024) | OLD ENDING VS NEW ENDING EXPLAINED | SPOILER ALERT

Introduction

Doston, aaj hum baat karne wale hain ek dhamakedar psychological thriller movie “Crazxy” ki, jo 28 February 2024 ko India mein release hui thi. 

Yeh movie Tumbbad ke legendary actor Sohum Shah ki hai, jo is baar ek alag hi intense role mein dikhai diye hain. 

Agar aapko mind-bending thrillers pasand hain, toh yeh movie aapke liye perfect hai. Chaliye bina kisi deri ke Crazxy movie ki poori kahani samajhte hain!

Story Summary

Dr. Abhimanyu Sood – Ek Dual Life

Movie ki kahani shuru hoti hai Dr. Abhimanyu Sood (Sohum Shah) se, jo ek top surgeon hai aur Delhi ke ek bade hospital mein kaam karta hai. 

Lekin ek shocking scene mein hum dekhte hain ki woh ek bada sa bag bhara hua paison se le kar kahin ja raha hota hai. 

Yeh paisa ₹5 crore ka hota hai, jo woh kisi ko dene ja raha hai.

Tabhi uska phone bajta hai – call aata hai hospital ke owner ka, jo gusse mein chilla raha hota hai aur bolta hai ki jaldi hospital pohoncho, paisa lekar. Ab yeh paisa kiska hai aur iske peeche kya raaz hai, yeh kahani dheere-dheere unfold hoti hai.

Past Secrets – Ek Ghalti Jo Sab Badal Deti Hai

Jaise Jaise kahani aage badhti hai, humein pata chalta hai ki  6 mahine pehle ek 12 saal ka ladka hospital mein admit hota hai appendix operation ke liye. 

Dr. Abhimanyu ko drugs ki aadat hoti hai aur woh nasha karke operation karta hai, jisme bachay ki maut ho jati hai. 

Bachay ke parents court case file karte hain aur judge decide karta hai ki case settle karne ke liye Dr. Abhimanyu ko ₹5 crore dene padenge, warna uski medical license cancel ho sakti hai aur woh jail bhi ja sakta hai.

Hospital ke owner ko bhi tension hoti hai kyunki agar yeh case news mein aaya toh hospital ki reputation khatam ho sakti hai. 

Isliye Dr. Abhimanyu jaldi se paisa lekar hospital ja raha hota hai.

A Shocking Kidnapping – Ek Naya Twist

Jab Dr. Abhimanyu hospital ja raha hota hai, tabhi ek unknown number se usko call aata hai. Samne se ek aadmi bolta hai ki usne Dr. Abhimanyu ki beti Vedika ko kidnap kar liya hai aur agar woh apni beti ko zinda dekhna chahta hai toh usse ₹5 crore kidnapper ko dene padenge.

Yeh sunkar Dr. Abhimanyu panic mode mein aa jata hai aur apni ex-wife ko call karta hai, jo usse bataati hai ki Vedika toh school mein hai. 

Matlab kidnapper jhooth bol raha hai? Ya phir koi aur badi sachchai chhupi hai?

The Hidden Truth – Kaun Hai Kidnapper?

Dr. Abhimanyu ko slowly yaad aata hai ki usne kidnapper ki awaaz pehle bhi suni hai. Jab woh sochne lagta hai, tab usse yaad aata hai ki yeh awaaz uski beti Vedika ke school teacher ki hai. 

Lekin Vedika ka teacher usse itna pyaar karta tha, toh phir usne yeh sab kyun kiya?

Tabhi uski ex-wife ka call aata hai jo roti hui batati hai ki Vedika sach mein missing hai aur school mein nahi hai. Ab Dr. Abhimanyu confirm ho jata hai ki yeh kidnap real hai.

Race Against Time – Kya Abhimanyu Apni Beti Ko Bacha Paayega?

Dr. Abhimanyu kidnapper ki di hui location pe ₹5 crore lekar jata hai. Lekin raste mein traffic, car puncture aur accident jaise problems hoti hain. 

Jab woh finally pohonchta hai toh kidnapper bolta hai ki paise ek tunnel mein rakh do aur phir 1 km door jao, agar late kroge jaane mein toh beti se haath dho baithoge.

1 Km ka safar complete karte hue, Abhimanyu ki gaadi ka petrol khatam ho jata hai, toh vo gaadi se utarkar bhaagna shuru kar deta hai. Tabhi saamne se ek gaadi bohot tezz aa rahi hoti hai and Abhimanyu gaadi se takrakar gir jata hai aur uska ghutna (knees) dislocate ho jaate hain. Ab vo apne ghutne ko apne haathon se ghumata hai and phir se bhaagna shuru kar deta hai.

Jab Dr. Abhimanyu waha pohonchta hai toh usse ek shock lagta hai – waha uski beti nahi hoti, balki wohi ₹5 crore ka bag padha hota hai. Tabhi kidnapper ka call aata hai, lekin iss baar uski beti Vedika bol rahi hoti hai!

The Ultimate Twist – Kya Crazy Hai Is Kahani Mein?

Vedika Dr. Abhimanyu se kehne lagti hai ki uska koi kidnap nahi hua tha, balki yeh sab uska aur uske teacher ka plan tha. 

Uska kehna tha ki papa ne hamesha mujhse nafrat ki hai, kyunki main down syndrome ki patient hoon. Isliye usne yeh sab plan banaya taaki woh apne papa ko prove kar sake ki woh bhi intelligent hai.

Yeh sunkar Dr. Abhimanyu shock mein aa jata hai. 

Tabhi Vedika aati hai aur apna haath badhati hai. Yaha par Dr. Abhimanyu ko samajh aata hai ki uski beti sach mein intelligent hai aur usne jo pyaar aur respect kabhi Vedika ko nahi diya tha, aaj woh usse mil raha hai.

Ab hum baat krenge ki baad mein jo khabar aayi thi ki new climax ke saath movie ko release kiya jaayega, toh vo new climax hai kya? 

CRAZY MOVIE OLD VS NEW ENDING

Makers ne movie ki ending thodi si modify ki hai. 

Original ending toh aapko uppar pata chal gyi hai. Toh ab hum seedha alternate yaani new ending ki baat karenge.

New Climax mein 2-4 lines aur add kar di hain, jisse kahani ko aur depth mil sake. Ha, in 2-4 lines se depth mila bhi hai, emotions aur acche se bahar aaye hain. In fact, emotion sahi tarah se toh new ending mein hi bahar aaye hain. 

Ek aur chhota change yeh hai ki kidnapper ki awaaz dene wale actor Tinu Anand ka ek 3 second ka shot bhi add kiya hai jo ki bilkul emotions ko aur acche se dikhata hai, jo pehle movie mein nahi the. 

Yeh sirf 2-3 second ka ek addition hai, jo character ko , film ke emotions ko, kahaani ko aur strong karta hai.

Baaki movie ka ek bhi frame change nahi kiya gaya kyunki re-shoot karna possible nahi tha. Sirf audio modifications se impact badhaya gaya hai, aur kuch nahi.

Conclusion – Kya Aapko Yeh Kahani Crazxy Lagi?

Yeh movie ek mind-blowing psychological thriller hai, jisme emotions, suspense aur family drama sab kuch hai. 

Vedika sach mein crazy thi? Ya Dr. Abhimanyu? 

Agar aapko yeh movie explanation pasand aaya toh comment section mein “Crazy” likhna mat bhoolna!

Watch Trailer Here :