🎬 Vishnu Manchu ki Multi-Starrer ‘Kannappa’ Ka Trailer Out!

“Trailer dekhkar laga… 100 Crore sirf naam ka hai kya?”

🔥 Welcome Back Doston!

Ek baar phir aap sabka swagat hai “ALL THAT IS” par — jahan hum baat karte hain cinema ke asli taste ki, without any filmy mask.

Aaj hum review karne wale hain Vishnu Manchu ki multi-starrer epic mytho-action film Kannappa ka trailer, jiska runtime hai approx 2 minute 55 seconds.

Aur haan… trailer sirf Telugu mein nahi, balki Hindi version bhi saath hi launch hua hai.

Pehla Toh Teaser Tha Pure Troll Material…

Jo pehla teaser aaya tha, uska toh kya hi kehna!

Itna troll hua ki logon ne socha yeh movie release hone se pehle hi OTT pe chali jaayegi.

Lekin… aaj ka trailer comparatively kaafi better laga.

Kyun?

Kyunki is baar Prabhas aur Akshay Kumar ke thode zyada scenes dikhaye gaye — aur kahani ke baare mein bhi humein kuch idea mila.

Agar Prabhas-Akshay Ko Hata Do… Toh Trailer Flat Lagta Hai?

Nahin, aisa toh mera maanna nahin hai kyunki Vishnu Manchu ka character kaafi interesting hai. Agar Prabhas and Akshay ki jagah koi doosre unfamous actors bhi hote but acting solid karte toh bhi trailer accha hi hota.

Poore trailer mein ek hi cheez bas mujhe bekaar lagi, ending scene, bhai trailer mein kya zaroorat thi Vishnu Manchu ke character ko transform hote dikhane ki?

Visuals? VFX? Sirf Budget Ki Kahani Hai

Ab suno sabse badi baat:

Film ka budget bataya gaya hai ₹100 Crore!

Lekin trailer dekhke ye lagta hai ki:

• Kuch scenes TV serial se lift kiye lagte hain,
• VFX kabhi sharp, kabhi cartoonish,

Aisa lagta hai jaise studio ne paisa sirf actors pe kharch kar diya, aur visuals ka “Bhagwan bharose” chhorr diya.

🎙 Dialogues Ka Kya Scene Hai Bhai?

Dialogues?

Kuch bhi yaad rakhne laayak nahi hai.

Start bohot accha hai trailer ka, and vo start hi aapko last tak trailer dekhne ke liye roke rakhega and hai Vishnu Manchu ka character toh interesting hai hi ki aap apni nazar unn par se hata nhi paoge.

✅ Verdict: Teaser Se Better Hai, Kannappa ke trailer ne hope jaga di hain

Final thought yeh hai:

Teaser se toh definitely better hai —

And mujhe lagta hai ki yeh movie acchi toh bani hogi. Teaser ne toh mera dil hi tod diya tha kyunki sach mein bohot bekaar teaser tha bhai.

Ek aur cheez bhai, heroines ka naam na trailer ke title mein mention kiya hi nahin hai. Main screenshot laga raha hu, dekhlena. Bhai atleast trailer ke andar hi names dikha dete. Mujhe literally google par jaana pada name dikhne uss heroine ka jo Vishnu Manchu ke saath hai. 

Sundar lagi yaar vo bohot. First time aisa hua ki main kisi heroine ka name dekhne google par gaya. Naam main yahan bata deta hu: Preity Mukhundan.

📢 Aapka Kya Opinion Hai?

Trailer dekhkar aapko kya laga?

Kya aap excited ho Kannappa ke liye ?

Milte hain agle update mein and hamara telegram channel join karna mat bhulna, wahan hum 1 liner updates daily laate rehte hain. Link neeche laga diya, jaao join karlo fatafat.

https://t.me/allthatisreviews