Hello doston!

Main Aman Mishra, aur aaj main aapko le jaa raha hoon ek aisi Malayalam film ke safar par jiska naam tak maine kabhi nahi suna tha. 

Jab ye film release hui thi, tab iska buzz almost zero tha.

Par jab film release hui… bas phir kya?

Positive word of mouth aisa hua ki Kerala ke theatres houseful hone lage.

Aur dosto, believe me, demand itni badh gayi ki North India mein bhi extra shows lagne lage.

Theatre Ka Scene – Full Malayi Vibe

Sabse pehle main Thudarum ka matlab bata deta hoon. Toh doston, iska matlab hota hai , “to be continued.”

Ab aate hain review par.

Full Malayali audience ke saath, maine dekhi Mohanlal bhai ki film – “Thudarum”. Aur agar ek line mein bolun, to main kahunga:

“Jo ummeed L2 Empuraan se thi, wo Thudarum ne poora kiya. Isi ke saath ek ummeed aur yaad aa gayi, jo ummeed Sikandar se thi vo Jaat movie ne poori ki.”

Storyline Aur Execution – Zabardast!

“Thudarum” ek wild revenge drama hai, jo aapko satisfy karega apni strong storytelling, zabardast cinematography, aur Mohanlal ke dhamakedaar performance ke saath.

Interval Ka Twist – Unpredictable

Film ke interval tak sab kuch smooth lagta hai, par interval ke time ek aisa unpredictable twist aata hai jo pura game badal deta hai.

Second half mein movie ki direction hi alag level pe chali jaati hai.

Main jab bhi Mohanlal aur unki family based stories dekhta hu,toh Drishyam dimaag mein rehti hi hai. Same feeling yahan bhi thi!

Climax – Literally Theatre Phaad Diya

Climax aate hi, bhai sab kuch explode ho jata hai!

Theatre ka vibe hi kuch aur ho gaya tha – sab log literally chilla rahe the, claps, seetiyan!

Yeh Film Theatre Mein Hi Dekhna Banta Hai

Honestly bolun to – “Thudarum” ek pure theatrical experience hai.

Drawbacks – Length Thodi Lambi Hai

Agar thoda negative point nikalun to film ka ek bada drawback hai iska length.

Family scenes ka build-up kabhi kabhi stretch feel hota hai.

First half ke songs aur visuals mast hai, specially jungle sequences, par pacing thodi tight ho sakti thi.

Ek proper, strong story ke saath chalti hai aur climax mein woh “mass touch” deliver karti hai jo expected hota hai.

Overall:

“Thudarum” ek direct jawab hai “L2 Empuraan” jaise disappointing experiences ko.

Aur haan, is film ka craft dekhkar clearly feel hota hai ki iski hype deserve karti hai.

Watch Thudarum Movie Trailer Here :

Malayalam Cinema Ki Real Picture

Ab jaate jaate ek baat aur…

Bohot logon ko lagta hai ki maximum malayalam films zabardast hoti hain. Reality yeh hai ki har industry mein up-down chalta hai.

Example ke liye:

• L2 Empuraan hype ke dam pe earn kar gayi, but reviews aapko pata hi hai kya rahe.
• Mammootty bhai ki 2 films – “Bramayugam” aur “Bazooka” – kuch khaas nahi chali.

At last, I just want to say, I love you all my readers.

Aur haan, mera telegram channel join karna mat bhulna.

https://t.me/allthatisreviews