“The Bhootnii” Movie Review

“Virgin Tree se pyaar manga aur Bhootnii mil gayi!”

Yeh line sunne mein jitni comical and interesting lagti hai, film dekhne ke baad, sorry, yeh main kya bol raha hu, dekhne ke baad nahin, dekhte hi gaali niklegi aapke mooh se, likh kar de raha hu.

“The Bhootnii” “Ek aisi horror-comedy jo horror se zyada comedy hai… aur comedy se zyada horror!”

Nahin samjhe na, main bhi nahin samjha. Chalo aage badhte hain.

👻 Kahani mein kya hai?

Ek college hai jahan ek “Virgin Tree” ke samne agar koi apna pyaar maange toh uska pyaar milta hai.

Shantanu (Sunny Singh) apne broken dil ke saath wahan wish karta hai, aur uski wish ka answer milta hai – ek possessive bhootni Karishma (Mouni Roy) ke form mein.

Karishma ka past tragic hai – cheated, murdered, aur ab woh love ke naam pe kisi bhi couple ko torture karti hai.

Meanwhile, Shantanu ki nayi lover Ananya (Palak Tiwari) ke saath uska rishta blossom nahi ho pata kyunki… well, bhootni kabhi bhi beech mein aa jaati hai. 😂

Yahan tak padhkar aapko lag raha hoga, kahani kuch alag hogi, lekin sach keh raha hu doston, iss virgin tree ne toh hum audience ki hi virginity tod di – dimaag ki.

Bollywood ka rule hai: “College dikhao, lekin padhaai mat dikhana.”

Aur iss rule ko filmmakers ne aise follow kiya jaise UPSC ki taiyaari ho — full dedication se kuch bhi relevant na dikhana.

🧠 Dimaag Pe Jyada Load Na Dalo – Sirf 5 Minute Rakho

Pehle 20 minute mein 3 gaane chipka diye gaye hain, bina kisi reason ke.

Uske baad kya hota hai? Sab actors milke audience ke saath comedy karte hain ” Haha, bechare log humein dekhne aaye!”

🎬 Script Kaisi Hai?

Film ka concept accha hai but story kahan hai – “bhai isse accha toh ChatGPT se thoda prompt wagarh dekar kuch acchi story utha lete?”

Sanjay Dutt as Baba:

Baba aaye, orders diye, aur chale gaye. Bas. Bhai Kyun? Kyun?

Sach keh raha hu, aap jab Sanju Baba ko bhoot bhagate hue dekhoge na, sach keh raha hu aapki aankhon mein aansu, lips par smile, chehre par question mark aur haath mein khujli, sab ek saath hogi.

🎭 Performances:

• Bhai mujhe chance do, sach keh raha hu, free mein bhi nahin karunga perform kisi movie mein, agar aisi weak story hogi.

⚖️ Verdict (1.5/5):

“The Bhootnii” ek aisi horror-comedy jo horror se zyada comedy hai… aur comedy se zyada horror!

Nahin samjhe na, main bhi nahin samjha.

Toh bilkul dimaag waste krne ki zarurat nhi h iss movie par.

Bye and hamara telegram channel join karna na bhulein. 1:43 AM

Watch Trailer Here :