SISU: WATCH or SKIP? : HONEST Review | Amann Mishhra

Sabhi ko Namaste! Toh maine kal raat mein dobara dekhi SISU, vo bhi sirf isliye jisse main aap sab ko ek honest review de sakun. Kyunki maine bohot pehle dekhi thi SISU and tab maine movie review website shuru nahin ki thi toh isiliye review bhi kahan se daalta. But now since SISU part 2 aa chuka hai, toh maine isiliye kal phir se raat mein baithkar SISU dekhi, jisse kuch bhi miss na ho jaye mujhse review mein.

Chalo phir review shuru karte hain. 

THE BEGINNING:

SISU beginning se hi humein hooked rakhti hai. Ek baar aap movie dekhne baith gaye, phir aap bina poora kiye uth nahin paoge. Agar uthna bhi pada toh jaldi se kaam nipta kar dobara se dekhne baith jaaoge because yeh movie aisi hai jo starting frame se hi aapke dimaag ko hook kar legi and jab tak movie khatam na ho jaaye, aap koi kaam par dhyaan nahin de paoge. 

Iski sabse badi wajah hai, iska background music. Hero ki entry se aapko sunaai dena shuru hoga and last tak wahi background music hero ke saath rahega. And literally, iss background music ne hero ki personality ko aur elevate kiya hai and scenes ko bhi impactful banaya hai.

Maine bohot si movies aisi dekhi hain, jinmei dum tha ki vo 200 crore club ko cross kar sakti thi but sirf aur sirf kamzor background music ki wajah se 100 crore club tak hi reh gyi. Jiska agar abhi latest example doon toh vo hai Mirai. Mirai mein potential tha ki yeh aaraam se 200 crore club ko cross karti but 100 crore bhi touch nhi kar paayi, 5-6 crore peeche reh gyi 100 crore touch karte karte.

Now coming back to SISU, chalo ab climax ki baat karte hain, kyunki interval block nahin hai movie mein, because movie total 1 hour, 30 minutes ki hi hai.

THE CLIMAX BLOCK:

Climax block bohot solid hai, yes 2 scene aise hain, jahan aapko lagega, yeh toh bhai bohot zyada ho gaya. Ek scene toh phir bhi aap digest karloge, vo phaansi wala scene jahan hero phaansi ke baad bhi bach nikalta ha. 

But second scene, vo plane wala scene, vo sach mein bohot zyada physics ki band baja deta hai. But phir bhi climax aapko sukoon dega, main villain ko jis tarah se hero maarta hai, maza aa jayega aapko dekhkar. Kaafi samay baad aisi ending dekhi hai. Humein pata hota hai last mein hero pehle villain se buri tarah pitega and phir maarega villain ko but yahan jis tarah se maara hai, vo kaafi mazaedaar tha.

THE SCREENPLAY:

Screenplay accha hai. Film ke starting mein bina hero ka past dikhaye uske body ke cuts, nishaan dikhaye hain jisse pata chal jaata hai, ki sach mein yeh bohot khatarnaak hai. 

Jab hero apna gold lekar, horse par baith kar ja rha hota hai, toh Nazi truck mein se 1 ladki apna chehra bahar nikalkar dekhti hai use, vo scene dekhkar aapko realize bhi nahin hoga ki aage story mein iska kya relevance hai.

Unn sabhi ladkiyon ka climax mein jo use hua hai, vo sach mein aap expect bhi nahin kar paoge, main toh nahin kar paaya, may be aap karlo.

THE DIALOGUES:

Dialogues poori movie mein kaafi kam hain. Hero toh sirf last mein jab bank pahunch jaata hai tab ek line bolta hai, bas. Baaki poori movie mein hero is silent but yes, his role justifies that silence. 

SPECIAL MENTION:

Hero ki survive karne ki zidd aisi hai, ki aap khud uska dard feel karoge. Vo jo-jo karke apne aap ko aage le ja rha hai, vo sab dekhkar aapko lagega, yaar hum toh kitni choti choti chot se, ek injection se darte hain, and yeh dekho, what a man! Hum iska 10% toh ban hi sakte hain strong. Itna hi bohot hai humein hamari life mein sab kuch jhelne ke liye. 

Ek break up se we get depressed, ek report card mein thode kam marks se we get depressed, ek choti si chot se, we get horrified, and this man is literally showing what a real man is! What life is! Life is not easy, not easy for anyone.

THE ACTION:

Action scenes are well choreographed. They seem realistic and justified to the situation. 

THE DIRECTION:

Direction is really good. Without perfect direction, this movie would have collapsed. Kyunki direction hi hai, jisne iss movie ko bohot convincing banaya hai and yes, background music as well.

Moving camera angles, wide shots, close up shots, all made the scenes said everything, even the Hero has not uttered any single word from his mouth. Only at the end of the movie, just for 10 seconds, yes for 10 seconds he has spoken.

THE PRODUCTION:

Whatever budget has been used in the movie is justified. For a single moment, you will not feel that ki movie ka budget thoda zyada hota toh aur maza aata. Aisa kahin bhi, kisi bhi scene mein feel nahin hoga. 

THE ACTING:

I will not talk about anything here about the acting department because everyone’s acting is superb. All have justified their parts well. That is why this movie came out so convincing in our hearts.

THE EDITING:

The movie is about just 91 minutes. 

And yes, tab bhi aapko aisa nahin lagega ki movie ko aur badi rakhte. Because tab phir hero ka jo mysteriousness hai, vo khatam ho jaata. Agar movie mein hero ko aur zyada space dete, chahe uski back story dikhakar ya aur scenes add karke tab aap usko predict karne lagoge and samajh jaoge ki ab iss situation mein yeh aisa karega. 

Toh aisa na ho, hum uss character ko samajh na paayein, usko predict na kar payein vo kya kya kar sakta hai, uske liye bohot zaruri tha ki hero ke baare mein zyada reveal na karein, kyunki tabhi second part jab aayega, work krarega. Isiliye har action sequence genuinely shocking lagta hai. 

And yes this worked in second part as well. Isiliye second part mein bhi isse zyada mazaa aaya dekhte hue. Kyunki hum abhi bhi hero ke baare mein sab kuch nahin jaante, jab vo naye situations mein hota hai toh fresh lagta hai aur zyada engaging hota hai. Toh essentially, first film ke editing ne second part ke liye perfect foundation tayyar kar diya tha.

THE PARENTAL GUIDANCE:

14 years se kam age hai toh iss movie ko mat dekhna, but if you are more than 14 years of age, then definitely you can watch this film. Family ke saath bhi dekh sakte ho, bas 14 saal se kam age wale saath na baithna. 

Nahin, koi kiss scene nahin hai. Kyunki action movie hai toh I always recommend ki 14 saal se bade bacche hi dekhein jisse they can really understand what the movie is about and can understand some emotions of the character. 

Haan ek 2 second ka nude scene hai, jismein hero ko peeche se nude dikhate hain vo bhi starting mein shayad 10-12 minutes baad, movie start hone ke. Vo scene relevant hai, usmein as such kuch nahin hai ki main yeh bolun ki family ke saath mat dekhna. Bas 14 saal se badi age wale hi dekhein, reason bata diya hai.

THE FINAL VERDICT:

Rating : 4/5

OTT Platform : SONY LIV

Duration: 1 hour, 30 minutes

Language : Hindi / English

WATCH or SKIP? : Definitely Watch

Neeche comment section open hai, agar aapne movie dekh li hai toh apne reviews zarur dein. Agar nahin dekhi hai, toh kya decide kiya hai dekhoge ya nahin?