🎬 Panchayat Season 4 Trailer Review – Politics, Samosa aur Phulera Ki Jung!

“Yeh sirf ek election nahi hai… yeh Phulera ki izzat ka sawaal hai!”

🏡 Trailer Ki Pehli Jhalak – Dikh Raha Hai Dhamaka!

Phulera wapas aa gaya hai – lekin iss baar gaon ki galiyaan sirf shaanti nahi, siyasi hungama bhi lekar aayi hain. Trailer ki shuruaat hi ek killer line se hoti hai:

🗣️ “Elections mein kya hi bharosa, kab kaun jeet jaye pata hi nahi chalta.”

💥 Manju Devi vs Kranti Devi – Dangal Panchayat Mein!

Election ki ghanti baj chuki hai. Sabhi characters apne samose, aloo aur plans ke saath ready hain. 

Ek taraf Manju Devi, dusri taraf Kranti Devi – aur beech mein hamare Sachiv Ji, jinke paas na kursi hai na chain!

Ek moment mein ladki kehti hai:

“Mummy ke liye fan page bana diya hai maine.”

Dusra jawab aata hai:

“Kitabein padhne ke bajaye is sab mein busy hai ab.”

Aur punch line – “Woh yeh sab apne maa-baap ke liye kar rahi hai.”

🍲 Politics Ka Naya Tadka – Samosa, Aloo Aur Party Switching!

Iss baar election sirf vote tak seemit nahi hai – kitchen politics bhi full swing mein hai! Pradhan Ji ka plan dekho:

“Jo bhi chai pe aaye, usko samose bhi khila dena.”

Ab jab samosa bhi politics ka hissa ban gaya ho, toh socho voting kitni tasty hogi!

🤕 Sachiv Ji Ki Chot – Ek Gaav Ka Dard

Yeh season sirf election nahi, emotion bhi leke aaya hai. 

Sachiv ji ko lagi chot ke baad Manju Devi bolti hain:

“Maar itni zabardast thi ki daant hi hil gaye.”

💃 Bhojpuri Song

Ek hilarious moment jab MLA bolta hai:

“Nachenge! Kaunsa song bajayein? English? Hindi? Bengali?”

Aur jawab milta hai – “Bhojpuri!”

Uspar chutki: “Bas kar.”

🧨 Final Verdict – Season 4 Trailer Delivers A Perfect Punch

Phulera ek baar phir se tayyar hai – politics ke chakravyuh mein ghusne ke liye. 

Panchayat Season 4 ka trailer batata hai ki iss baar kissa sirf Panchayat seat ka nahi, izzat aur usoolon ka bhi hai.

Jo bhi trailer dekhega, ek hi baat bolega –

“Phulera zindabad! Panchayat laajawab!”

Ab end mein ek baat, jo trailer finish karte hi mujhe lagi, iss baar ka season bohot emotional hone wala hai. Jaise season 2 ne humein last mein emotional kar diya tha, theek waise hi emotions iss season mein milne wala hai. 

Season 3 apne previous season jitna accha nahin tha but yes, this season 4 will really be very very zabardast.

Baaki 24 June ko pata chal hi jayega. 

Watch Panchayat Season 4 Trailer Here :