HIT 3 MOVIE REVIEW – DO NOT WATCH BEFORE READING THIS

Welcome doston! Aaj hum baat karne wale hain ek aisi Telugu film ke baare mein jo aayi hai full-on hype ke saath – HIT: The Third Case, yaani ki HIT 3. Film mein lead hain apne natural star Nani aur KGF wali Srinidhi Shetty.

🎥 Story Aur Vibe: Thriller ya Action Flick?

Dekho, agar tum ye film dekhne ja rahe ho ek proper investigative thriller ki ummeed leke – jaise pehle do parts the – toh thoda disappointment ho sakta hai. Investigation weak hai, thrill ka element bhi kahin-kahin dull lagta hai.

Par agar tum ek mass action entertainer dhoondh rahe ho jisme Nani dhamaka kare, toh bhai kuch scenes definitely chillayenge – “Yeh hui na baat!”

🔍 Investigation Angle: Missing Sharpness

Film ki shuruaat strong hai. 

Ek flashback ke andar ek aur flashback, suspense build ho raha hota hai – murders ho rahe hain, bodies ka kya ho raha hai, sab kuch kaafi intriguing lagta hai initially.

Investigation first half khatam hone se pehle hi almost wrap up ho jata hai. Baad mein kuch questions bache rehte hain, lekin unpe film dhyaAn nahi deti end tak.

💥 Action, Mass Moments aur Nani ka Swag

Agar film ki jaan koi hai toh wo hai Nani. 

Poori film ko vo apne kandhon pe leke chalte hani. Unka character raw, aggressive aur ekdum alag andaaz ka hai. 

Aur bhai… jo last ke 20-30 minutes hain – ekdum dhamaka! Single-take action, thaat se maar-dhaad. Seetiyan, taaliyan aur goosebumps ka full combo milta hai.

Chemistry & Romance – Ek Side Dish Jo Kaafi Tasty Lagi

Srinidhi Shetty aur Nani ke beech ki chemistry kaafi acchi thi. 

Romance se story mein thoda emotional depth aata hai, aur Nani ke character ka ek softer side bhi dikh jaata hai.

Villains: Weak Impact

Jitna villain ko hype kiya gaya tha, utna on-ground impact nahi tha. 

Numbers mein woh log zyada dikhte hain, lekin challenge utna powerful nahi tha ki Nani ko seriously takkar de sake. Aur isi wajah se thrill element second half mein almost vanish ho jata hai.

⚖️ Positives vs Negatives:

Positives:

• Nani ka performance, ekdum solid.
• Last 30 minutes ka action – paisa vasool.
• Mass elevation moments – goosebumps guaranteed.
• Visuals aur BGM kuch scenes mein superb.

Negatives:

• Weak investigation aur predictable plot.
• Villains ka kamzor execution.

✅ Final Verdict – Dekhna Chahiye ya Skip Karna Chahiye?

“Bhai simple hai – agar aapko mass action scenes pasand hain, aur Nani fan ho and nahin bhi ho– toh definitely ek baar dekh sakte ho.”

Par agar aapko tight, intelligent investigation thrillers pasand hain jaise Drishyam type, toh yeh film unn expectations ko meet nahi karti.

⭐ Rating: 3.25 out of 5

Mass + Nani + Action = Entertainment

Logic + Investigation + Thrill = Thoda compromise

Agar aapne yeh film dekh li hai toh apna feedback niche comment mein likhna.

Milte hain agle review mein – tab tak ke liye, cinema dekhte raho, seatiyan bajate raho aur hamare telegram channel ko join karna mat bhulna for faster and one liner exciting updates.

Watch HIT 3 Trailer Here :