🎬 Ground Zero Review – Intense like URI?

Toh bhaiyon aur behno, Ground Zero finally release ho gayi hai, aur trailer dekhte hi laga tha ki kuch intense hone waala hai. 

Emraan Hashmi ek serious officer ke role mein, patriotic backdrop, aur “real incident” pe based story — matlab ingredients toh full-on the. Lekin kya film ne deliver kiya ya sirf plate mein sajaa diya, chalo dekhte hain.

Story ki kahani… ya kahani mein hi story kho gayi?

Film ki kahani hai BSF officer Narendra Nath Dhar Dubey ki, jinhone 2003 mein terrorist Ghazi Baba ko eliminate kiya tha. Film dikhati hai unka suspension, unka wapas mission pe aana, aur finally unki heroic raid. Sounds gripping na? Par film dekhte waqt ek cheez missing thi — emotion.

Deshbhakti feel nahi hoti. Matlab jahan aapko chest thump karna chahiye tha, ya aankhon mein paani aa jana chahiye tha — wahan sirf straight face leke baith jaate ho.

Family scenes bhi dikhaye gaye hain Dubey sahab ke, par empathy ya connect utna deep nahi ban paata.

Dialogue? Aur Taliyan?

Yaar, such kahun toh is type ki film mein dialogues woh hone chahiye ki log hall mein seeti maar de. 

Yahan ek bhi dialogue yaad nahi rehta. 

Dialogue writers: Sanchet Gupta, Priyadarshi Srivastava aur Chiranjeevi Vajpayee — unhone basic kaam kiya, par wow factor missing tha.

🎭 Acting Department mein kaun jeeta, kaun haara?

• Emraan Hashmi ne sincere try kiya hai, par wo fire nahi dikhta jo ek BSF officer ke andar hoti hai.
• Sai Tamhankar (unki wife ke role mein) ko kuch khaas karne ka chance hi nahi mila.
• Ghazi Baba ka role play kar raha character almost invisible lagta hai. Jab villain weak ho toh climax ka kya maza?
• Supporting cast — Deepak, Parmesh, Guneet, Mukesh Tiwari — sab theek thaak hain par limited scope mein.

🎬 Direction & Technicals:

Director Tejas Vijay Deoskar ne technically kaam theek kiya hai, but jo human connect hona chahiye, wo missing tha. Ek emotional punch ya depth nahi feel hoti.

🎶 Music by Tanishk Bagchi, Rohan-Rohan aur Sunny Inder decent hai, lekin ek bhi chartbuster ya soul-touching song nahi hai. Background score thoda uplift karta hai scenes ko, credit to John Stewart Eduri.

🎥 Cinematography by Kamaljeet Negi is actually very nice — Kashmir ke visuals beautiful lagte hain.

✂️ Editing sharp ho sakta tha, currently it’s just okay-ish.

📉 Verdict – Dekhna chahiye ya skip karna chahiye?

Ground Zero ek aisi film hai jisme sab kuch ho kar bhi kuch khas nahi ho paata. Na dil ko chhooti hai, na aankhon ko geela karti hai. Na deshbhakti ka jazba uthta hai, na climax mein koi goosebumps.

Ek sahi story ko mediocre screenplay aur dialogues ne average bana diya.

👎 Final Rating: 2.5/5

Sirf Emraan Hashmi ke fan ho, vo bhi mujhe lagta nahin ki ab koi fan following bachi hai inki just because koi acchi movie recent past mein aayi nahin inki, toh ek baar dekh sakte ho. 

Warna isse better hai, ghar pe popcorn leke koi purani patriotic film jaie URI laga lo, feel bhi aayegi, thrill bhi.

Aapne dekhi kya yeh movie? Aapko kaisi lagi? Niche comment mein zaroor batana! 😄

Milte hain agle review mein, tab tak ke liye — Bye Bye! aur haan, hamara telegram channel join karna mat bhulna.

Chalein fir? Ek chai ho jaaye? ☕

Watch Ground Zero Trailer Here :