Cinepedia Episode 24 :  Kingdom \ Devara 2 \ Trivikram Srinivas 

🎉 Welcome Doston!

South aur Hindi Cinema Ki Taaza Khabrein padhne ke liye aapka swagat hai. Aap sabka ek baar phir se swagat hai cinepedia ke ek dum fresh episode mein – jahan hum South aur Bollywood movies ki latest updates ko bohot simple tareeke se aap tak pahuchate hain.

To bina time waste kiye, chalo shuru karte hain Cinepedia Episode No. 24.

🏰 Kingdom Ka Hungama: Release Ki Confusion

Sabse pehli update aayi hai Vijay Deverakonda ki upcoming film Kingdom se. Ab dikkat yeh hai ki film ki release date 30 May hai, lekin ab tak koi proper promotion dekhne ko nahi mila.

Trailer hi pending hai toh promotion ki baat karna hai hai abhi jaldi hoga. Matlab abhi trailer ki hii date ka pata nahin hai jabki release mein sirf 20 din bache hain.

Iss film ko do parts mein release kiya jaa raha hai, toh promotion ka importance aur bhi badh jaata hai. Lekin may be ho sakta hai film kya pata postpond ho jaaye.

👉 Aap Kingdom ke liye kitne excited ho? Comment karke batana mat bhoolna!

🔥 Devara 2 – Kya Confirm Hai Sequel?

Next badi khabar hai Jr. NTR ki blockbuster film Devara ke sequel Devara 2 ko lekar.

Devara ko hii mixed response mila tha, lekin makers ke paas shayad koi strong kahaani hogi dikhane ke liye, isiliye vo Devara 2 ke liye soch rahe hain. Aur ho sakta hai Jr. NTR ke birthday par hi official announcement bhi ho jaye.

Film tab tak shuru nahi hogi jab tak NTR aur Prashanth Neel wali film complete nahi hoti.

👉 Aapko lagta hai Devara 2 banani chahiye? Batayein comments mein!

🤝 Trivikram Srinivas Ka Naya Project – Venkatesh Ke Saath?

Last episode mein humne bataya tha ki Trivikram Srinivas aur Atlee-Alu Arjun film delay hone wali hai, toh Trivikram naye projects pe kaam kar rahe hain.

Pehle baat thi Sivakarthikeyan ke saath collaboration ki, lekin ab latest buzz yeh hai ki Venkatesh ke saath project almost final hai. 

Script narration ho chuka hai aur Venkatesh ne approval de diya hai.

Yeh film bhi kaafi interesting hone wali hai, aur Trivikram ke fans ke liye ek treat ho sakti hai.

🗣️ Aapka Reaction?

Aapko in sab updates mein se kaunsi update sabse zyada exciting lagi?

👇 Comment section mein likhna mat bhoolna!

Milte hain agle episode mein – tab tak ke liye, padhte raho books bhi aur cinepedia bhi kyunki dono zaruri hai.