#CinePedia EP 40: Nani Ka Double Trouble: Ek Purani Script, Naya Hero!

Hello, mere pyaare dosto! Kaise hain aap sab? Aapka ek baar phir se welcome hai hamare cinepedia ke bilkul fresh episode par. Aaj hum lekar aaye hain cinematic universe se kuch latest aur exciting updates jo aapko shock bhi dengi aur entertain bhi karengi! Toh, chalo shuru karte hain!

1. Nani Ka Double Trouble: Ek Purani Script, Naya Hero!

Toh aaj ki sabse pehli khabar aa rahi hai Natural Star Nani aur unki upcoming films se. Yaad hai, Hi Nanna?

Director Shouryuv ki yeh film theaters aur OTT par superhit rahi thi, har jagah se positive response mila. Ab khabar hai ki director saab phir se Nani ke saath ek film plan kar rahe hain!

Interesting twist yahan hai! Yeh wahi script hai jo Shouryuv pehle Jr. NTR ke saath banana chahte the. Lekin Jr. NTR ko laga ki yeh risky project hai aur unhone isse chhod diya. Phir kuch din pehle news aayi thi ki yeh script Vijay Deverakonda ke paas gayi hai. 

Aur ab, latest update yeh hai ki yeh script Nani ke paas pahunchi hai! Nani ko script pasand aayi hai aur unhone ise develop karne ka green signal de diya hai. Dekhte hain yeh collaboration phir se banta hai ya nahi!

2. Sekhar Kammula Aur Nani Ka Dream Combo: Kya Kubera Banayegi Raasta?

Aur haan, 20 June ko Dhanush, Nagarjuna Akkineni, Rashmika Mandanna, aur Pavana starrer film “Kuberaa” theatres mein release ho rahi hai, Telugu ke saath-saath Hindi mein bhi. 

Iss film ke director hain Sekhar Kammula, aur unhone recently “Kuberaa” ke promotional interview mein ek bada khulasa kiya hai: unki aur Nani ki film bhi discussion mein chal rahi hai!

Sach bataun, Sekhar Kammula aur Nani ka yeh combo dekhne ke liye kitne hi fans besabri se wait kar rahe hain! Toh, ummeed karte hain ki kal “Kuberaa” ek hit ho aur humein future mein Nani aur Sekhar Kammula ka magical collaboration jaldi dekhne ko mile!

3. NTR 31: Prashanth Neel Aur Script Ke Chakkar!

Agli update hai Jr. NTR aur Prashanth Neel ki highly anticipated film NTR 31 se. Khabar hai ki Jr. NTR script mein kuch changes chahte hain. Isliye, Prashanth Neel ne writer Nagendra Kasi ko apni team mein shamil kar liya hai.

Bataya ja raha hai ki story mein koi major change nahi hoga, bas kuch chote-chote portions hain jahan NTR changes chahte hain. Mostly changes second half mein dekhne ko mil sakte hain. Yaad hai, Devara ke announcement se pehle bhi NTR ne script development mein kafi interest dikhaya tha aur unke kehne par kafi changes hue the. 

Ab dekhna hoga ki is baar ke changes final product par kya asar dalte hain. Hum toh bas speculate hi kar sakte hain!

4. SSMB 29: Rajamouli Aur Mahesh Babu Ka 50 Crore Ka Set!

Ab aate hain SSMB 29 yaani Rajamouli aur Mahesh Babu ki highly anticipated film par. Khabar hai ki Ramoji Film City mein iss film ke liye Varanasi ka ek huge set banaya ja raha hai, aur is par 50 crore rupees kharch kiye ja rahe hain!

Agar yeh sach hai, toh yeh Indian film history ka sabse mehenga set hoga! Producers ne pehle hi clear kar diya hai ki film ka budget ₹1000 crore ke aas-paas hoga. Jab ek set par hi ₹50 crore kharch ho rahe hain, toh samajh lo poori film ka scale kya hone wala hai! Epicness confirmed!

5. Kingdom Aur SoS 2: Hindi Release Ka Kya Hoga?

Yahan ek aur badi baat dekhni hogi, khaaskar Kingdom ke case mein: agar yeh film 25 July ko aati hai, toh iska Hindi release kaisa hoga? 

Kyunki, officially announced hai ki Ajay Devgn ki “Son of Sardar 2” bhi 25 July ko release ho rahi hai!

Sabse badi baat hai Kingdom ki Hindi release ki strategy. Teaser dekhkar laga tha ki makers hindi version ko lekar serious hain aur use accha release denge. 

Aur agar Son of Sardar 2 ke saath Kingdom ka clash hoga toh definitely Kingdom ke collections par bohot bada dent lagega.

Main personally chahta hoon ki Kingdom ko ek accha release mile, kyunki main personally excited hoon Kingdom ke liye. 

Dekhte hain makers kya decision lete hain. 

Toh dosto, bas yahi the aaj ke hamare latest filmi updates. Ummeed karte hain aapko pasand aaya hoga! Telegram channel bhi zarur join karlo for faster and one liner updates. Link neeche hai

https://t.me/allthatisreviews