#CinePedia EP 39: Breaking News: Marco 2 Cancelled 

Namaste dosto! Kaise hain aap sab? Aapka ek baar phir se swagat hai hamare cinepedia episode 39 par.

1. Puri Jagannadh Ka Comeback? Vijay Sethupathi Ke Saath “Bhiksham Dehi”!

Kai aise directors hain jinhone pehle bahut mast-mast filmein di hain, but ab struggle kar rahe hain. Unki filmein ya toh chal nahi rahi, ya phir aisi ban rahi hain ki ek baar dekhna bhi mushkil hai. 

Aise hi ek director hain Puri Jagannadh, jinke comeback ka main personally wait kar raha hoon. Yeh mere one of the favourite directors hain.

Inka agla project thoda promising lag raha hai, kyunki iss film mein Vijay Sethupathi lead role mein hain! Pehle hi announced tha ki film mein Vijay ke alawa Tabu aur Duniya Vijay bhi honge. Aur aaj yeh confirm ho gaya hai ki Vijay Sethupathi ke opposite lead actress hongi Samyuktha Menon! Casting toh kaafi solid lag rahi hai!

Pehle film ka title “Beggar” hone ki khabar thi, but ab chances hain ki title “Bhiksham Dehi” ho sakta hai. Ab jab cast confirm ho gayi hai, toh bahut jaldi film ka title bhi announce ho jayega. Fingers crossed for Puri’s comeback!

2. Unni Mukundan Ki Marco 2 Se Naata Toda! Kya Hai Wajah?

Aaj ki agli badi update, jo shayad aap tak pahunch gayi hogi, woh hai Unni Mukundan ke “Marco 2” na banane ke decision par. 

Recently, Instagram par ek fan ne Unni se “Marco 2” ke baare mein poocha, aur Unni ne reply mein confirm kiya ki woh yeh film nahi bana rahe hain.

Unhone kaha ki film ko lekar already kaafi negativity faili hui hai, aur woh ab iss film series ka hissa nahi rehna chahte. Unki koshish hai ki future mein “Marco” se kuch bada aur behtar bana paayein.

Iss decision ka impact mujhe kya lagta hai?

• Dekho yaar, Marco hii vo movie hai jiski wajah se hum sab yahan North mein jaan rahe hain ki Unni Mukundan kaun hai. Right?
• Ab agar aap sequel bhi banaate toh definitely aapki reach aur badhti kyunki tab ek bar phir se Marco log dekhte, khaaskar vo log jinhone miss kar di dekhna, toh definitely aapki popularity mein increase hota.
• Meri calculation ke hisaab se, Marco 2 na banaana ek opportunity ko chorne jaisa hai and vo bhi aisi opportunity jisse aap ek level aur uppar aa sakte ho pan india star banne ke liye ya atleast aapko log aur acche se janne lagenge, pehchaanne lagenge.

3. Lokesh Kanagaraj Ka Acting Debut 

Aap sabko pata hai ki Lokesh Kanagaraj director Arun Matheshwaran ki upcoming film mein lead actor ke roop mein debut karne wale hain. Suna hai iss role ke liye Lokesh martial arts seekh rahe hain, bahut badhiya!

Aur iske saath-saath woh parallel mein apni film “Coolie” ke post-production ko bhi achhe se manage kar rahe hain. Multi-talented banda!

4. Kamal Haasan Ki “Thug Life”: Karnataka Mein Release Ka Verdict!

Ab baat karte hain Kamal Haasan ki recently release hui film “Thug Life” ki. Release se pehle Karnataka mein iss film ko lekar ek badi controversy khadi ho gayi thi. 

Ab uss controversy par Supreme Court ne Karnataka government ko order diya hai ki jab Censor Board ne film ko pass kar diya hai, toh use release hone se koi nahi rok sakta. Toh “Thug Life” Karnataka mein release ho sakti hai.

Lekin, ab is verdict ka koi khaas fayda nahi, kyunki film box office par already ek mega disaster saabit ho chuki hai. 

5. Vijay Deverakonda Ki “Kingdom”: Nayi Release Date Lock?

Aur aakhir mein, Vijay Deverakonda ki upcoming film “Kingdom” se badi update! Film ki new release date ab lock ho chuki hai, aur bahut high chances hain ki yeh film July mahine mein 25  ko release ho sakti hai.

And doston please join our telegram channel for one liner updates. Link neeche hai:

https://t.me/allthatisreviews