RAID 2 DAY 4 BOX OFFICE COLLECTION

Hello Doston,
Dekho, log jitna bhi bol lein ki Bollywood aaj kal wahi ghisa-pita bana raha hai, ya content mar gaya hai… lekin jab koi movie sach mein achha kaam karti hai na, toh wahi public full support bhi deti hai.

Aur Raid 2 ne jo theatres mein aag lagayi hai, woh is baat ka saboot hai ki jab content strong ho, toh audience IPL ke beech bhi ticket le leti hai. 

Ajay Devgn, Riteish Deshmukh aur Vaani Kapoor ki ye crime thriller logon ke dil mein ghus chuki hai.

💰 Box Office Par Raid 2 Ka Dhamaka – Ek Dum Real Analysis

1 May 2025, yaani mere birthday ke din, tab Raid 2 ne screen pe dhamaka kar diya.

Opening day ka collection tha ₹19.25 crore (India Net) – aur bhai, Sunday ko toh isne aur bhi bawaal macha diya.

👉 Sunday ka net collection: ₹22 crore

👉 4 din ka total India Net: ₹70 crore ke aas-paas

👉 Worldwide Gross ab tak: ₹95 crore

Occupancy ki baat karein toh evening shows tak toh kaafi acchi gayi, lekin IPL ki wajah se night occupancy me thoda dip aaya (sirf 39.4%). Phir bhi ₹22 crore Sunday ko kamaana – boss, yeh chhoti baat nahi hai!

😍 Public Kyun Itni Excited Hai Raid 2 Ko Lekar?

Simple jawab: Ek dum grippy story aur zabardast acting.

• Ajay Devgn as IRS officer Amay Patnaik – once again, calm and powerful.
• Riteish Deshmukh as corrupt politician Manohar Bhai – bhai sahab, pura theatre taliyon se goonj utha.

Bhai sach kahun toh “Second half ne movie bacha li.”
Specially ek hotel wala scene tha jahan log literally cheer karne lage theatre mein.

❓ Toh Kya Raid 2 Banegi Blockbuster?

Boss, budget 40-50 crore bataya gaya tha, toh agar yeh budget sahi hai and Raid 2 aise hi collections karti rahe aur positive buzz chalta raha, toh blockbuster tag door nahi.

Lekin sawal aapse:

Kya aapne Raid 2 dekhi? Kya laga aapko Ajay aur Riteish ki performance? Aur kya Bollywood ko ab seriously content-driven movies banani chahiye?

Comments mein likh ke zaroor batana.

Aur agar aapko ye honest aur simple breakdown pasand aaya ho, toh like aur share karna na bhoolna.

Ab baat seedhi hai – jab tak content powerful hai, tab tak Bollywood ka game on hai. Aur Raid 2 ne prove kar diya hai ki public ke liye quality still matters.

Bohot simple hai. ❤️
Phir milte hain next update ke saath.