Kesari Chapter 2 vs Jaat: Kaun Jeet Raha Hai Box Office Ki Jung?

Namaste Doston!

Swagat hai aapka ek aur fresh Box Office Report session mein jaha baatein hoti hain seedhi, simple aur full on spicy!

Aaj baat karenge Kesari Chapter 2 aur Jaat movie ke box office battle ke baare mein — kaun jeet raha hai, kaun peeche reh gaya, aur kya chal raha hai public ke dimaag mein!”

🔸 Kesari Chapter 2 kal release hui thi, approx 1750 screens pe.

Morning shows thode slow the — occupancy thi bas 12.6%, par afternoon aur evening mein halka sa jump mila — night tak pahuchte-pahuchte 27% tak chali gayi.

🔸 National multiplex chains jaise PVR, Inox, Cinepolis se hi 60-62% collections aa gaye hain — jo kaafi solid hota hai jab screens limited ho.

🔸 Trade experts bol rahe hain ki pehla din ka collection ₹7 to ₹7.5 crore ke aas paas gaya hai, aur producers ki taraf se numbers thoda aur optimistic ho sakte hain — shayad ₹8 crore tak.

🔸 Lekin opening overall “average” hi mani ja rahi hai — na bahut buri, na dhamakedaar.

Advance Booking Insights:

Aaj ke liye bhi booking zyada wide spread nahi dikhi — jo fast filling shows hain, wo mostly ultra-premium screens pe hain jaise Insignia, Director’s Cut, jaha tickets ₹500 se ₹1600 tak ja rahi hain.

Mumbai, Delhi NCR, Ahmedabad mein kuch fast-filling shows dekhe gaye — par mostly wahi premium screens.

Box Office Pe Dusri Challenger – Jaat Movie:

Sunny Paaji ki Jaat movie aaj apne 10th day mein ghus gayi hai!

🔹 First 8 days mein India net collection – ₹61.62 crore

🔹 Worldwide gross collection – ₹82.75 crore

🔹 Kal 9th day pe film ne approx ₹4.25 crore kama liya – which shows solid hold!

Occupancy numbers slow the – but film abhi bhi single screen audience ko kaafi pasand aa rahi hai.

Analysis – Kis Film Ka Upper Hand Hai?

Kesari Chapter 2:

Target audience – mostly multiplex crowd, jo thoda slow respond karti hai unless word-of-mouth strong ho.

Jaat:

Ye ek massy film hai, single screens pe chal rahi hai — aur desi janta se connect kar rahi hai.

Toh doston, aapne kaunsi movie dekhi? Aur kaunsi aapko zyada pasand aayi?

Comment karke zarur batana.

Aur haan, agar aapko lagta hai ki Kesari 2 double digit tak jaa payegi ya Jaat 100 crore touch karegi – toh uske baare mein bhi likhna mat bhoolna.

Milte hain next update mein ek aur Bohot Simple aur Bohot Masaledaar update ke saath.

Till then – maska lagao, dimaag lagao, aur humari websites par aur bhi dhamakedaar updates aane wale hain toh notification on krlena.