Hello Doston,
Umeed karta hoon sab badhiya chal raha hoga… aur agar nahi bhi chal raha toh chinta mat karo, Akshay Kumar ki Kesari Chapter 2 aa raha hai na… sab theek ho jaayega!
Bhai sahab, movie ki advance booking full josh mein start ho chuki hai. Ha, mujhe trailer dekhkar, yeh movie utni promising nahin lag rahi hai, jaisi Kesari thi, but may be I am wrong. And, mujhe yeh bhi lag raha hai ki Kesari Chapter 2 naam rakha hi isliye gaya hai, jisse Kesari ke jo emotions logon ke saath jude hain, usse iss movie ko ek unfair advantage mil jaye and public ko theater tak laaya jaaye.
Theek hai, agar movie mein dum hua toh kamayegi hi, aur agar nahin toh Sikandar jaisa hi haal hoga.
18th April ko movie theatre mein dhamaka hone wala hai… lekin usse pehle hi 15th ki shaam se aur 16th April se full-on advance booking shuru ho gayi hai.
Aur bhai, kya hi craze chal raha hai!
Jahan tak data ka sawaal hai — is waqt tak approx 15,000 tickets bik chuki hain, 2300 shows declare ho chuke hain, aur average ticket price lagbhag ₹236 chal raha hai.
Toh ab tak ki total kamaai approx ₹52 lakh hai, aur agar block seats ko bhi include karein toh ye figure seedha ₹1.25 crore ke aaspaas chali jaati hai.
Ab yeh block seats ka game bhi samajh lo — 75 lakh tak ki block booking to sirf makers ki taraf se hi ho gayi hai! 😲
Aur movie ka buzz… bhai wah!
Social media pe bas Kesari Chapter 2 ki hi baat ho rahi hai. Akshay Kumar ne bhi khud advance booking announcement karke fire laga diya hai. Fans full power mein hain.
Tamil Nadu tak mein occupancy 11% tak pahuch gayi hai — aur show abhi kam hain, sochiye zara jab show badhenge toh kya scene banega!
Bhai jitna buzz chal raha hai, jitna word of mouth strong hai, aur jitna solid trailer response tha — lagta hai pehle din hi box office pe toofan aayega, yeh toofan tika rahega ya nahin, yeh toh movie kitni conviction se banayi gayi hai, uss par depend karta hai. Kyunki Kesari Chapter 2 naam rakhne se, movie Kesari jaisi chaap chorr payegi, yeh kehna mushkil hai.
Chaliye milte hain next update mein, jab aur numbers saamne aayenge.
Tab tak ke liye — Jai Hind, All That Is! 🇮🇳