Kis Kisko Pyaar Karoon 2 : TRAILER Review | Amann Mishhra

Hello Doston! Toh kal trailer aaya Kis Kisko Pyaar Karoon 2 ka 2 youtube channel par, ek Venus Movies and ek Kapil Sharma. Trailer same hai, kisi channel par bhi dekh sakte ho.

Maine Kis Kisko Pyaar Karoon 1 dekhi thi and uss samay vo movie hit bhi hui thi but ab dekhna yeh rahega ki Kis Kisko Pyaar Karoon 2 vo success repeat kar payegi jaisa part 1 ne kiya tha?  

Ho bhi sakta hai and nahin bhi.

Par main aisa kyun keh raha hu, batata hu.

Kis Kisko Pyaar Karoon 1 uss samay aayi thi jab Kapil Sharma har ghar ke chahete the. Kaise?

Kis Kis Ko Pyaar Karoon 2015 mein aayi thi. And Kapil Sharma ka show “Comedy Nights with Kapil” uss samay bohot popular tha. Uss samay Kapil Sharma ka fan base accha tha, jo ki abhi nahin hai. Mujhe toh aisa hi lagta hai, might be I am wrong.

Kyunki uss samay youth se lekar unke parents bhi, sab unka show saath baith kar dekhte the. But ab?

Ab toh unka show TV par nahin aata, shayad Netflix par aata hai. Mujhe correct kardena, main galat ho sakta hu.

Toh iss wajah se abhi vo environment toh bilkul bhi nahin hai, jo 2015 mein tha. 

Toh agar Kis Kisko Pyaar Karoon 2 apne part 1 ki success repeat karegi ya aage jayegi toh usmein 20% role Kapil Sharma ka and 80% role content ka rahega.

Kis Kisko Pyaar Karoon 1 ki success 80 % Kapil Sharma ke name par and 20% content ki wajah se hui thi.

Ab dobara se three wives wala concept lekar aaye hain makers but thoda twist ke saath. 

Ek cheez jo mujhe bohot acchi lagi movie ke trailer mein, vo hai ki Kapil Sharma ka character 3 religion follow kar rha hai and equal respect de raha hai. That is really good. 

Agar aise hum sab real mein ho jayein, bohot log hain bhi, par kuch nahin bhi hain and yeh kuch nahin wala count zyada hai. Isi wajah se poori duniya mein ladai ho rahi hai. 

Chalo back to Kis Kisko Pyaar Karoon 2 ke trailer review par, mujhe 3 jagah literally hasi aayi, ha utna gala phaad kar nahin but smile aa gayi chehre par. Ek scene yeh hai:

Ek yeh:

Aur ek yeh: 

Baaki direction, screenplay, acting performances, background score ki baatein movie review mein karenge 12 December ko.

Aapko Kis Kisko Pyaar Karoon 2 ka trailer kaisa laga? Comments section open hai, jaldi batao. And agar aapne Kis Kisko Pyaar Karoon Part 1 dekh rakhi hai, toh aap apna review neeche comment section mein de sakte ho. Let’s start a healthy debate. Chalo, ab delay mat karo, apne andar ka reviewer bahar nikalo.