Maine Phir se Vidaamuyarchi Dekhi ! SPOILER ALERT !

Agar aapne Vidaamuyarchi nahi dekhi hai toh yeh review aapke liye nahi hai! Kyunki phir aap mere iss review se relate nahin kar payenge aur ha yahan spoiler bhi hai. Aap pehle movie dekho, uske baad padhna ye post. 😈

Maine kal Vidaamuyarchi dobara dekhi Hindi dub me Netflix par, aur ek baat toh pakki hai—ye movie ek zabardast action thriller ban sakti thi, lekin kahin na kahin execution thoda weak raha.

Storyline me potential tha, Ajith Sir ka screen presence bhi solid hai, lekin movie bahut saari jagah par disappointing lagti hai.

Start 20 Minutes = BORING 🥱

Sabse pehla bada issue jo mujhe laga, movie ka start hi dull hai. Pehle 20 minutes aise feel hote hain jaise koi slow-paced drama dekh rahe ho, aur aapko literally mann nahi karega aage dekhne ka.

Ek thriller movie ka start engaging hona chahiye, tension build-up hona chahiye, lekin yahaan toh casual conversations aur unnecessary buildup chal raha hai.

🔴 Better Start Kaise Ho Sakta Tha?

Agar first scene ek dhamakedar action sequence se shuru hota—jaise Ajith Sir kisi chase scene me hote ya kisi ke saath ek brutal fight karte, and then kahaani flashback mein jaati —toh audience ka interest turant ban jata.

Ya phir ek gripping mystery setup hota jo direct kidnapping ya betrayal hint karta.

Ajith Sir Ka Look Mujhe Accha Nahin Laga

Ajith Sir ka look thoda aur badass ho sakta tha. Agar beard thodi aur badhayi jaati, baal aur messy rakhe jaate, toh ek matured and intense look milta. Ab jo bhi ho, Ajith Sir ka swag solid hai, bas thoda aur sharp aur rugged dikhaya hota toh impact aur strong lagta.

Spoilers Time! Yeh Kya Hi Twist Tha? 🤦‍♂️

Movie me ek bada twist, ruko, nahin aata hai.

💥 Better Twist Kya Ho Sakta Tha?

Ajith Sir ka character morally grey dikhaya jaata—matlab woh bhi ek dark past rakhte aur khud ek crime cartel ka hissa hote.

Climax Impactful Bilkul Bhi Nahin Tha:

Climax me jo action sequence hai woh decent hai, lekin impact utna nahi hai jitna hona chahiye tha. Last mein 10-20 minutes aise lage jaise by luck sab kuch ho raha hai, jaise sab kuch pre-destined ho.

🔥 Alternate Ending Options:

Mind-blowing Psychological Ending: Last me sab reveal hota ki ye sab Ajith Sir ke dimaag ka ek hallucination tha aur woh puri movie me apne past ka guilt face kar rahe the.

High-Octane Action Ending: Ajith Sir ek full-blown John Wick mode me chale jate aur pura syndicate khatam kar dete—ek bloody and brutal finish hoti.

Ab jo Ending dikhayi thi movie mein uski baat kar lete hain:

Ending mein dikhaya jaata hai ki Ajith Sir ki wife zinda hai and bilkul theek hai. Ab sawaal uthta hai ki kyun?

Vaise iska answer bohot simple hai, lekin may be kuch audience ko na samajh mein aaya ho iski wajah, toh main yahan bata deta hu.

Dekho iss movie ke jo villain hain, vo tabhi kisi ki wife ko nuksaan pahunchate hain jab vo husband se paise lelete hain aur phir husband ko maar dete hain.

But yahan Ajith Sir se paise toh lelete hain villain, vo bhi bohot mushkil se, but unko maar nahin paate kyunki vo bach kar nikal jaate hain and villain ke paas time nahin rehta ki vo unki wife ko maarne ka samay nikal payein.

Kyunki Ajith Sir kabhi bhi unn tak pahunch sakte hain and villain nahin jaante ki vo police lekar aayenge ya akele. Toh vo log khud ko bachane ka tareeka sochne lagte hain.

And ek baat aur, interval mein dikhaya gaya hai ki police bhi mili hui hai, toh aisa nahin hai.

Agar aapne thoda bhi conscious rehkar movie dekhi hai toh samajh gaye hoge, yeh sab bas manipulate karne ke liye villain bolta hai Ajith Sir ko.

Final Verdict: Missed Opportunity but ha dekhna chahiye ek baar iss movie ko, maine already isko 3.5 star diye hue hain apne pehle review mein jo spoiler free review hai.

Would have been 4.5 if execution was better!